ବନବିଭାଗ ପକ୍ଷରୁ ମା ଙ୍କ ନାମରେ ଗଛ ଟିଏ କାର୍ଯ୍ୟକ୍ରମ

ଏରସମା, 18/06/2025, ଉତ୍କଳ voice news - utkalvoicenews.com ଓଡିଶା ସରକାର ଙ୍କ ଜଙ୍ଗଲ ପରିବେଶ ବିଭାଗ ପକ୍ଷରୁ ସାରା ରାଜ୍ୟରେ ମାଗଣା ଗଛ ବଣ୍ଟନ କରାଯାଉଛି l କୁଜଙ୍ଗ ରେଞ୍ଜ ଅଧୀନ ବାଲିତୁଠ ଫରେଷ୍ଟ ପକ୍ଷରୁ ମଧ୍ୟ ମା ପାଇଁ ଗଛ ଟିଏ ଯୋଜନାରେ ଗଛ ବଣ୍ଟନ କରାଯାଇଛି l ଫରେଷ୍ଟର ପଦ୍ମଲାଭ ରାଉତ ଓ ରାଜେଶ ପଟ୍ଟନାୟକଙ୍କ ତତ୍ତ୍ଵାବଧାନରେ ବନରକ୍ଷକ ପ୍ରଦୀପ ଦାସ ଏରସମା ବ୍ଲକର ଢିଙ୍କିଆ, ଗଡ଼କୁଜଙ୍ଗ, ନୂଆଗାଁ,ବାମଦେଇପୁର, ବାଲିତୁଠ,ଚଟୁଆ, ବଳେଇପୁରୁ ଆଦି ପଂଚାୟତରେ ଲିମ୍ବ, ଝାଉଁ, ଜାମୁ, ଆକାଶିଆ ବେଲଜିଅମ ଆଦି ଗଛ ବଣ୍ଟନ ହୋଇଥିଲା l ଅଧୁନା ପରିବେଶ ସନ୍ତୁଳନ ପାଇଁ ବ୍ୟାପକ ଗଛ ଲଗାଇବା ଜରୁରୀ ହୋଇ ପଡିଛି l ଗଛ ନ ଲଗାଇଲେ ଜନ ଜୀବନ ରକ୍ଷା କରିବା କଷ୍ଟ ହୋଇ ପଡିବ l ଏଣୁ ସରକାର ଙ୍କ ପକ୍ଷରୁ ମାଗଣା ଗଛ ବଣ୍ଟନ କରାଯାଉଛି l ପ୍ରତି ପଂଚାୟତ ରେ ଲୋକମାନେ ନିଜ ବାଡ଼ି ରେ ଦୁଇଟି ଗଛ ଲଗାଇ ପରିବେଶକୁ ବଞ୍ଚାଇବା ଉଚିତ। ଆଗାମୀ ଦିନରେ ପ୍ରତି ପଂଚାୟତରେ ମାଗଣା ଗଛ ବଣ୍ଟନ କରାଯିବ ବୋଲି ଫରେଷ୍ଟର ଶ୍ରୀ ରାଉତ ସୂଚନା ଦେଇଛନ୍ତି।