ଛାତ୍ରୀ ସୌମ୍ୟାଶ୍ରୀଙ୍କ ମୃତ୍ୟୁ କୁ ନେଇ ପାରାଦୀପ କଳିଙ୍ଗ ମହିଳା ଶକ୍ତି ପକ୍ଷରୁ ଏକ କ୍ୟାଣ୍ଡେଲ ଶୋଭାଯାତ୍ରା

ପାରାଦ୍ୱୀପ , 20/07/2025, ଉତ୍କଳ voice news - utkalvoicenews.com( ପାରାଦ୍ୱୀପ ରୁ ରଶ୍ମି ରଞ୍ଜନ ଦାସ ଙ୍କ ରିପୋର୍ଟ ) : ଫକିର ମୋହନ ମହାବିଦ୍ୟାଳୟ ଛାତ୍ରୀ ସୌମ୍ୟାଶ୍ରୀ ବିଶିଙ୍କ ମୃତ୍ୟୁଙ୍କୁ ନେଇ ସମଗ୍ର ଓଡ଼ିଶା ରେ ବିଭିନ୍ନ ଜିଲ୍ଲା ମାନଙ୍କରେ,ବିଭିନ୍ନ ଦଳ, ସ୍କୁଲ୍ ଓ ସଂଗଠନ ତରଫରୁ ପ୍ରତିବାଦ ର ସ୍ୱର ଉଠିଥିବାବେଳେ ପାରାଦ୍ୱୀପରେ ପାରାଦୀପ କଳିଙ୍ଗ ମହିଳା ଶକ୍ତି ପକ୍ଷରୁ ଏକ କ୍ୟାଣ୍ଡେଲ ଶୋଭାଯାତ୍ରାସ୍ଥାନୀୟ ଲେଙ୍କା ମେଡ଼ିକାଲ ଛକରୁ ବାହାରି ପାରାଦୀପ ଆଦର୍ଶ ଥାନା ଛକ ନିକଟରେ ପହଞ୍ଚିଥିଲା I ୪ ଦଫା ସମ୍ବଳିତ ଏକ ଦାବିପତ୍ର ସଂଗଠନ ସଭାପତି ମନୋରମା ଖଟୁଆଙ୍କ ନେତୃତ୍ବରେ ଥାନା ଅଧିକାରୀଙ୍କୁ ପ୍ରଦାନ କରିଥିଲେ। କଳିଙ୍ଗ ମହିଳା ଶକ୍ତି ସଭାନେତ୍ରୀ ମନୋରମା ଖଟୁଆଙ୍କ ନେତୃତ୍ବରେ ଏହି ଶାନ୍ତିପୂର୍ଣ୍ଣ ଶୋଭାଯାତ୍ରା ଓ ପ୍ରତିବାଦ ସଭାରେ କମଳା ଓଝା, ବିଜୟଲକ୍ଷ୍ମୀ ଦାସ, ଜ୍ୟୋସ୍ନା ବାହାଦୂର, ସରୋଜିନୀ ସ୍ବାଇଁ, ଲକ୍ଷ୍ମୀପ୍ରିୟା ପାଲ, ବାସନ୍ତୀ ବିନ୍ଧାଣିଙ୍କ ସହିତ ଶହ ଶହ ସଂଖ୍ୟକ ମହିଳା ଅଂଶଗ୍ରହଣ କରିଥିଲେ।ଏହି ଶୋଭାଯାତ୍ରା ସକାଳ ୬ ଘଟିକା ରୁ ୯ ଘଟିକା ପର୍ଯ୍ୟନ୍ତ ସ୍ଥାନୀୟ ଲେଙ୍କା ଛକରୁ ବାହାରି ପାରାଦ୍ଵୀପ ଆଦର୍ଶ ଥାନା ନିକଟରେ ପହଞ୍ଚିଥିଲା।ରାଜ୍ୟ ସରକାର ଅଭିଯୁକ୍ତ ବିରୋଧରେ କଠୋର ରୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଗଲେ ସମୃଦ୍ଧ ଛାତ୍ରୀ ସହ ତାଙ୍କ ପରିବାର ମଧ୍ୟ ଶାନ୍ତି ପାଇବେ।