ପଞ୍ଚାୟତ ପ୍ରତିଭା ସନ ସମ୍ମାନ -୨୦୨୫

ପାରାଦୀପ ଗଡ, 26/01/2025, ଉତ୍କଳ voice news - utkalvoicenews.com୭୬ ତମ ସାଧାରଣତନ୍ତ୍ର ଦିବସ ଅବସରରେ ପାରାଦୀପ ଗଡ ଗ୍ରାମ ପଞ୍ଚାୟତ ତରଫରୁ ପଞ୍ଚାୟତ ପ୍ରତିଭା ସମ୍ମାନ - ୨୦୨୫ ପ୍ରଦାନ କରାଯାଇଛି l ପୂର୍ବାହ୍ନ ୦୮ ଘଟିକା ସମୟରେ ଶତାଧିକ ମହିଳା ଓ ଯୁବକ ମାନେ ହାତରେ ଜାତୀୟ ପତାକା ଉଡ଼ାଇ ଗ୍ରାମ ପରିକ୍ରମା କରିବା ପରେ ପଞ୍ଚାୟତ କାର୍ଯ୍ୟଳୟ ପରିସର ରେ ସରପଞ୍ଚ ଶ୍ରୀମତୀ ସସ୍ମିତା ବେହେରା ଜାତୀୟ ପତାକା ଉତ୍ତୋଳନ କରିଥିଲେ l ପରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା, ଉକ୍ତ ସଭାରେ ମୁଖ୍ୟ ଅତିଥି ଭାବେ କୁଜଙ୍ଗ ମଣ୍ଡଳ ଉନ୍ନୟନ ଅଧିକାରୀ ଦୀପକ ପ୍ରସାଦ ସ୍ୱାଇଁ ଯୋଗଦେଇ ପାରାଦୀପ ଗଡ ପଞ୍ଚାୟତରେ ହେଉଥିବା ଉନ୍ନୟନ ମୂଳକ କାର୍ଯ୍ୟକୁ ଭୂରି ଭୂରି ପ୍ରଶଂସା କରିଥିଲେ l ସମ୍ମାନୀତ ଅତିଥି ଭାବେ ସରପଞ୍ଚ ଶ୍ରୀମତି ସସ୍ମିତା ବେହେରା, ଏମ.ବି.କେ. କଳ୍ପନା ମହାପାତ୍ର, ପୂର୍ବତନ ସରପଞ୍ଚ ବିଷ୍ଣୁ ଚରଣ ସାହୁ ପ୍ରମୁଖ ଯୋଗଦେଇ ସରପଞ୍ଚ ଏପରି ଜନହିତ କର କାର୍ଯ୍ୟକୁ ପ୍ରଶଂସା କରିଥିଲେ l ବରିଷ୍ଟ ଆଇନଜୀବି ଶ୍ରୀ ସଞ୍ଜୟ କୁମାର ବେହେରା ସଭାପତିତ୍ବ କରିଥିଲେ l ଚଳିତ ବର୍ଷ ପଞ୍ଚାୟତ ପାଇଁ ସୁନାମ ଆଣିଥିବା ନିମିଢ଼ୀ ଗ୍ରାମ ର ମା "ନାରାୟଣୀ ପିଜି" ଗ୍ରୁପ୍, ରାଙ୍ଗିଆଗଡ ଗ୍ରାମ ର "ତ୍ରିନାଥ ସ୍ୱୟଂ ସହାୟିକା ଗୋଷ୍ଠୀ" କୁ ସମ୍ଭର୍ଦ୍ଧନା ପ୍ରଦାନ କରା ଯାଇଥିଲା l ସେହିପରି ବୋଇତୋ ଭସାଣି ଉତ୍ସବ ରେ ଶ୍ରେଷ୍ଟ ପ୍ରଦର୍ଶନ କରିଥିବା ନବଜ୍ୟୋତି ୟୁଥ୍ କ୍ଳବ୍, ବ୍ୟାସଦେବ ଜୀଉ ବୋଇତ ଭସାଣୀ କମିଟି, ଶିବ ଶକ୍ତି ୟୁଥ୍ କ୍ଳବ୍ ଓ ତ୍ରିନାଥ ୟୁଥ୍ କ୍ଳବ୍ କୁ ପୁରସ୍କୃତ କରାଯାଇଥିଲା ଏବଂ ତୈଳ ବିଶୋଧନାଗାର ସହାୟତାରେ ଦୁଇ ଜଣ ଗରିବ ୟୁବକ ଯଥା ସୁବାଷ ସ୍ୱାଇଁ ଓ ବିଜୟ କୁମାର ସାହୁ ଙ୍କୁ ଏଲେକ୍ଟ୍ରି ଅଟୋ ପ୍ରଦାନ କରାଯାଇଥିଲା l ଇତ୍ୟ ଅବସରରେ ତୈଳ ବିଶୋଧନାଗାର ସହାୟତରେ ଚୂନ ବେଲାରୀ ପ୍ରାଥମିକ ବିଦ୍ୟାଳୟ ପରିସରରେ "ମାଗଣା ସ୍ୱାସ୍ଥ୍ୟ ସେବା ଶିବିର" ଅନୁଷ୍ଟିତ ହୋଇଥିଲା l ଉକ୍ତ ଶିବିର ରେ ୩୦୯ ଜଣ ରୋଗୀ କୁ ପରୀକ୍ଷା କରାଯାଇ ମାଗଣାରେ ଔଷଧ ପ୍ରଦାନ କରଯାଇଥିଲା l ଉତ୍ସବ ଟିକୁ ଚନ୍ଦ୍ର ଶେଖର ଚୌଧୁରୀ, ଅଲେଖ ମହlରଥା, ରମେଶ ବେହେରା, ସନ୍ତୋଷ ଦୋରା, ପ୍ରଭାତ ସାହୁ, ସତ୍ୟାନନ୍ଦ ରାଉତ, ଦେବ ଦୁର୍ଲ୍ଲଭ କର, ନିହାର ରଞ୍ଜନ ଜେନା ପ୍ରମୁଖ ପରିଚାଳନା କରିଥିଲେ l