ଯୁବକଙ୍କ ମୃତ୍ୟୁକୁ ନେଇ ଥାନା ଅବରୋଧ

ଏରସମା, 30/09/2025, ଉତ୍କଳ voice news - utkalvoicenews.com( ଏରସମା ରୁ ଅଂଶୁମାନ ମିଶ୍ର ଙ୍କ ରିପୋର୍ଟ ) : ଏରସମା ଥାନା ଅନ୍ତର୍ଗତ ଏରସମା ଅସରଣା ରାସ୍ତା ମଦ ଦୋକାନ ରାସ୍ତାରେ ଆଜି ସକାଳ ୧୧ ସମୟରେ ପଡ଼ିଥିବା ଯୁବକଙ୍କ ସନ୍ଦେହ ଜନକ ମୃତ୍ୟୁକୁ ନେଇ ବଡ ବେଲାରୀ ଗ୍ରାମବାସୀଙ୍କ ପକ୍ଷରୁ ଏରସମା ଥାନା ଆଗରେ ଧାରଣା ଦିଆ ଯାଇଥିଲା l ସୂଚନା ଯୋଗ୍ୟ ଏହି ଥାନା ଅନ୍ତର୍ଗତ ଜିରାଇଲୋ ପଞ୍ଚାୟଚର ବଡ ବେଲାରୀ ଗ୍ରାମର କୁଳମଣି ସାହୁଙ୍କ ପୁଅ ରଞ୍ଜନ ସାହୁ (୪୨)ସବୁଦିନ ପରି ଏରସମା ବଜାରରେ ଥିବା ଓଲ୍ଡିଂ ଦୋକାନକୁ ଓଲ୍ଡିଙ୍ଗ ମିସ୍ତ୍ରୀ ଭାବରେ କାମ କରିବାକୁ ଆସିଥିଲେ l ମାତ୍ର ୧୧ ଟା ସମୟରେ ସେ ବିଲ ଭିତରେ ମରି ପଡ଼ିଥିବା ଲୋକେ ଦେଖିବାକୁ ପାଇଥିଲେ l ଖବର ପ୍ରଚାରିତ ପରେ ରଞ୍ଜନଙ୍କ ପରିବାର ଓ ଗ୍ରାମ ବାସୀ ଘଟଣା ସ୍ଥଳରେ ପହଞ୍ଚି ପୋଲିସକୁ ଅପେକ୍ଷା କରିଥଲେ l ପୋଲିସ ଓ ଆତ୍ମୀୟଙ୍କ ମଧ୍ୟରେ ଯୁକ୍ତି ତର୍କ ହେବାରୁ ରଞ୍ଜନଙ୍କ ଶବ ଏରସମା ମେଡ଼ିକାଲରେ ରଖି ଧାରଣା ଦେଇଥିଲେ ଗ୍ରାମବାସୀ l ପରେ ରଞ୍ଜନଙ୍କ ଶବକୁ ଏରସମା ଥାନା ଆଗରେ ରଖି ନ୍ୟାୟ ପାଇବା ପାଇଁ ଶତାଧିକ ବ୍ୟକ୍ତି ଧାରଣାରେ ବସିଥିଲେ l ଖବର ପାଇ ତିର୍ତ୍ତୋଲ ଏସ ଡି.ପି.ଓ ଚିନ୍ମୟ ରାଉତ ପହଞ୍ଚି ଧାରଣା କରୀଙ୍କୁ ବୁଝାଇବା ସହିତ ସ୍ଥାନୀୟ କିଛି ମୁଖ୍ୟ ବ୍ୟକ୍ତିଙ୍କ ସହିତ କଥା ହେଇଥିଲେ। ଘଟଣାର ନିରପେକ୍ଷ ତଦନ୍ତ ହେବ ଓ ଦୋଷୀଙ୍କୁ ଦଣ୍ଡ ମିଳିବ କହିବା ପରେ ଲୋକମାନେ ଧାରଣାରୁ ଉଠିଥିଲେ।