ବୁଗୁଡ଼ା ବନାଞ୍ଚଳରେ କୃଷ୍ଣସାର ମୃଗ ସଂଖ୍ୟା ୨୭୬୪

ବୁଗୁଡା, 29/01/2025, ଉତ୍କଳ voice news - utkalvoicenews.com (ସୋରେନ କୁମାର ପ୍ରଧାନ) : ସ୍ଥାନୀୟ ବନ ବିଭାଗ ପକ୍ଷରୁ ଆଜି ବନାଞ୍ଚଳର ବିଭିନ୍ନ ସ୍ଥାନରେ କୃଷ୍ଣସାର ମୃଗ ଗଣନା କାର୍ଯ୍ୟ ସମ୍ପନ୍ନ ହୋଇଥିବା ବେଳେ ଗତ ଥର ତୁଳନାରେ ଏହା ବୃଦ୍ଧି ପାଇ ୨୭୬୪ରେ ପହଞ୍ଚିଛି। ଗତ ବର୍ଷ ଗଣନା ବେଳେ ଅଣ୍ଡିରା ମୃଗ ୫୨୪ଟି , ମାଈ ମୃଗ ୧୩୩୬ଟି ଓ ଛୁଆ ୩୫୨ଟି ଏପରି ମୋଟ ୨୨୧୨ଟି ରହିଥିଲା । ତେବେ ଚଳିତ ବର୍ଷ ଗଣନାରେ ଏଥିରେ ବୃଦ୍ଧି ପାଇ ଅଣ୍ଡିରା ୫୩୨ , ମାଈ ୧୬୨୩ ଓ ଛୁଆ ୬୦୯ ହିସାବରେ ମୋଟ ୨୭୬୪ଟି କୃଷ୍ଣସାର ମୃଗ ଥିବା ଜଣାପଡ଼ିଛି। ଅର୍ଥାତ୍ ଗତ ବର୍ଷ ତୁଳନାରେ ଏ ବର୍ଷ ୫୫୨ଟି ମୃଗ ବୃଦ୍ଧି ପାଇଛି। ଭାରପ୍ରାପ୍ତ ବନାଞ୍ଚଳ ଅଧିକାରୀ ପ୍ରଦୀପ କୁମାର ମିଶ୍ରଙ୍କ ତତ୍ତ୍ବାବଧାନରେ ୨୮ଟି ୟୁନିଟ୍ ଗଠନ କରାଯାଇଥିଲା ବେଳେ ଏଥିରେ ୭୭ ଜଣ ବନ କର୍ମଚାରୀ ନିୟୋଜିତ ଥିଲେ । ଏହି ଗଣନା କାର୍ଯ୍ୟ ସକାଳ ୬ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଚାଲିଥିଲା ବେଳେ ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ବିନୋଦ ଆଚାର୍ଯ୍ୟ ଓ ଏସିଏଫ୍ ପ୍ରଦୀପ ବେହେରା ଉକ୍ତ ଗଣନା କାର୍ଯ୍ୟକୁ ନିରୀକ୍ଷଣ କରିଥିଲେ।