​ସାଇଲୋ ଜେ.ଏନ.ଭି. ରେ ଗୁଆ ଚାରା ରୋପଣ କାର୍ଯ୍ୟକ୍ରମ ସମ୍ପନ୍ନ; ଆଗାମୀ ସେବା କାର୍ଯ୍ୟ ପାଇଁ ସହଯୋଗ ନିବେଦନ

ରାହାମା, 30/11/2025, ଉତ୍କଳ voice news - utkalvoicenews.com*( ତିର୍ତୋଲ ରୁ ଜଗନ୍ନାଥ ପ୍ରସାଦ ସାହୁ ଙ୍କ ରିପୋର୍ଟ ) :* ଦିବଂଗତ ସାଇଲୋ ପଞ୍ଚାୟତର ସରପଞ୍ଚ ଶ୍ରୀଯୁକ୍ତ ସରୋଜ କୁମାର ସେଠିଙ୍କ ସ୍ମୃତିରେ ଗଠିତ ଏବଂ ନଭେମ୍ବର ୦୯ ତାରିଖରେ ଆରମ୍ଭ ହୋଇଥିବା 'ସରୋଜ ଭାଇ ଜନସେବା ସଂଗଠନ' ତରଫରୁ ଆଜି ପି.ଏମ୍. ଶ୍ରୀ ଜବାହର ନବୋଦୟ ବିଦ୍ୟାଳୟ, ରାହାମା ଠାରେ ଏକ ଗୁରୁତ୍ୱପୂର୍ଣ୍ଣ ଚାରା ରୋପଣ କାର୍ଯ୍ୟକ୍ରମ ସଫଳତାର ସହ ସମ୍ପୂର୍ଣ୍ଣ ହୋଇଛି। ବିଦ୍ୟାଳୟର ଅଧ୍ୟକ୍ଷ ଶ୍ରୀ କୃଷ୍ଣ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସାମ୍ବାଦିକ ଶ୍ରୀ ଜଗନ୍ନାଥ ପ୍ରସାଦ ସାହୁଙ୍କ ଦ୍ୱାରା ପ୍ରଦତ୍ତ ଗୁଆ ଗଛ ଚାରା ରୋପଣ କରାଯାଇଥିଲା। ବିଦ୍ୟାଳୟର ଶିକ୍ଷକବୃନ୍ଦ (ପି.ଟି. ଶିକ୍ଷକ ଶ୍ରୀ ସୂର୍ଯ୍ୟକାନ୍ତ ଘଡେଇ, ଲାଇବ୍ରେରୀ ଶିକ୍ଷକ ଶ୍ରୀ ପ୍ରଶାନ୍ତ ନାୟକ), ଅଭିଭାବକ ଏବଂ ସଂଗଠନର ସଦସ୍ୟମାନେ ମିଳିତ ଭାବେ ଏହି କାର୍ଯ୍ୟକୁ ଆଗେଇ ନେଇଥିଲେ। ଆଗାମୀ ଯୋଜନା ଓ ସହଯୋଗ ପାଇଁ ଅନୁରୋଧ: ସଂଗଠନ ତରଫରୁ ସୂଚନା ଦିଆଯାଇଛି ଯେ, ଏହି ଚାରା ରୋପଣ କାର୍ଯ୍ୟକ୍ରମ ଆଗାମୀ ଦିନରେ ପ୍ରତ୍ୟେକ ବିଦ୍ୟାଳୟ, ଗ୍ରାମ ମନ୍ଦିର ଏବଂ ଅନ୍ୟାନ୍ୟ ସାର୍ବଜନୀନ ସ୍ଥାନରେ ଅନୁଷ୍ଠିତ ହେବ। ଗଛଗୁଡ଼ିକର ରକ୍ଷଣାବେକ୍ଷଣ ପାଇଁ ଦାୟିତ୍ୱ ମଧ୍ୟ ଜଣ କୁ ଦିଆଯିବ, ଯାହାଫଳରେ ଭବିଷ୍ୟତରେ ସମାଜ ଉପକୃତ ହୋଇପାରିବ। ​ସଂଗଠନ ତରଫରୁ ସମସ୍ତଙ୍କୁ ବିନମ୍ର ଅନୁରୋଧ କରାଯାଇଛି ଯେ, ଯଦି ସମସ୍ତଙ୍କର ସହଯୋଗ ମିଳେ, ତେବେ ସରୋଜ ଭାଇ ଜନସେବା ସଂଗଠନ ଆଗକୁ ଆହୁରି ଅନେକ ସମାଜ ସେବା କାର୍ଯ୍ୟ କରିପାରିବ। ସରୋଜ ଭାଇଙ୍କୁ ଭଲ ପାଉଥିବା ସମସ୍ତ ବନ୍ଧୁମାନେ ସଂଗଠନକୁ ସହଯୋଗ କରନ୍ତୁ ବୋଲି ନିବେଦନ କରାଯାଇଛି। ସକ୍ରିୟ ଭାଗ ନେଇଥିବା ସଦସ୍ୟବୃନ୍ଦ: ଏହି କାର୍ଯ୍ୟକ୍ରମରେ ସକ୍ରିୟ ଭାବେ ସହଯୋଗ କରିଥିବା ସଂଗଠନର ସଦସ୍ୟମାନେ ହେଲେ: ଶ୍ରୀ ଚିତ୍ତ ରଞ୍ଜନ ବେହେରା, ଶ୍ରୀମତୀ ମାନିନୀ ବେହେରା, ଶ୍ରୀ ପ୍ରଶାନ୍ତ କୁମାର ଦାସ, ଶ୍ରୀ ଜ୍ଞାନ ରଞ୍ଜନ ବାରିକ, ଶ୍ରୀ ଜଗନ କୁମାର ଦାସ, ଶ୍ରୀ ଶୁଭ ରଞ୍ଜନ ସେନାପତି, ଶ୍ରୀ ପ୍ରଶାନ୍ତ କୁମାର ଦାସ, ଶ୍ରୀମତୀ ମଧୁସ୍ମିତା ସେଠି, ଶ୍ରୀ ଅନିରୁଦ୍ଧ ଖୁଣ୍ଟିଆ ଏବଂ ଶ୍ରୀ ପ୍ରକାଶ ଚନ୍ଦ୍ର ସ୍ୱାଇଁ।