ଆଦିତ୍ୟ ଆଲୁମିନା ରିଫାଇନେରୀଙ୍କ ସହଯୋଗରେ ନୂଆସାହିରେ ଜିଲ୍ଲାସ୍ତରୀୟ ଯୁବ ଭଲିବଲ୍ ଟୁର୍ଣ୍ଣାମେଣ୍ଟ

ରାୟଗଡ଼ା, 08/01/2026, ଉତ୍କଳ voice news - utkalvoicenews.com( ରାୟଗଡ଼ା ରୁ ପ୍ରଫୁଲ୍ଲ କୁମାର ବେହେରା ଙ୍କ ରିପୋର୍ଟ ) : ରାୟଗଡ଼ା ଜିଲ୍ଲା କାଶିପୁର ବ୍ଲକ କଂସାରିଗୁଡ଼ାସ୍ଥିତ ଆଦିତ୍ୟ ଆଲୁମିନା ରିଫାଇନେରୀ ନୂଆସାହିରେ ଆୟୋଜିତ ଜିଲ୍ଲାସ୍ତରୀୟ ଯୁବ ଭଲିବଲ୍ ଟୁର୍ଣ୍ଣାମେଣ୍ଟକୁ ସକ୍ରିୟ ସହଯୋଗ ପ୍ରଦାନ କରିଛି। ଏହି ଟୁର୍ଣ୍ଣାମେଣ୍ଟରେ ଅଞ୍ଚଳର ୧୬ଟି ଦଳ ଅଂଶଗ୍ରହଣ କରିଥିଲେ, ଯାହା ସ୍ଥାନୀୟ ସମୁଦାୟର ଉତ୍ସାହ ଏବଂ ମୂଳସ୍ତରରେ କ୍ରୀଡା ମନୋଭାବକୁ ପ୍ରୋତ୍ସାହନ ଦେଇଥିଲା।ଟୁର୍ଣ୍ଣାମେଣ୍ଟର ଉଦଘାଟନ କାର୍ଯ୍ୟକ୍ରମ ଆଦିତ୍ୟ ଆଲୁମିନା ରିଫାଇନେରୀର ୟୁନିଟ୍ ହେଡ୍ ଏବଂ ପ୍ରେସିଡେଣ୍ଟ ଶ୍ରୀ ମଜହର ବେଗଙ୍କ ଦ୍ୱାରା କରାଯାଇଥିଲା। ଏହି ଅବସରରେ ମାନବ ସମ୍ପଦ, ଶ୍ରମ ସମ୍ପର୍କ ଓ ସିଏସଆର୍ ବିଭାଗର ମୁଖ୍ୟ ଶ୍ରୀ ଦୀପକ ମହାନ୍ତି ସହିତ ରିଫାଇନେରୀର ଅନ୍ୟାନ୍ୟ ସଦସ୍ୟମାନେ ଉପସ୍ଥିତ ଥିଲେ।ଏହି ଅବସରରେ ଅନେକ ଗଣ୍ୟମାନ୍ୟ ବ୍ୟକ୍ତି ଏଠାରେ ଉପସ୍ଥିତ ଥିଲେ , ଲୋକ ପ୍ରତିନିଧି ଶ୍ରୀ ଡଉଳ ରତ୍ନ ଚୌଧୁରୀ, ଶ୍ରୀ ରାଜେନ୍ଦ୍ର ଦୁରିଆ, ଶ୍ରୀ ନୀଳକଣ୍ଠ ଝୋଡ଼ିଆ, ଶ୍ରୀ ବିଦ୍ୟା ରତ୍ନ ଚୌଧୁରୀ ସହ ଅନେକ ସମୁଦାୟ ସଦସ୍ୟମାନେ ମଧ୍ୟ ଉପସ୍ଥିତ ଥିଲେ, ଯାହା କାର୍ଯ୍ୟକ୍ରମର ଗୁରୁତ୍ୱ ଓ ଉତ୍ସାହକୁ ଅଧିକ ବଢ଼ାଇଥିଲା। ଏହି ପଦକ୍ଷେପ ଆଦିତ୍ୟ ଆଲୁମିନା ରିଫାଇନେରୀଙ୍କ ସମୁଦାୟ ବିକାଶ, ଯୁବ ସଂଲଗ୍ନତା ଏବଂ ଆଖପାଖ ଗ୍ରାମଗୁଡ଼ିକରେ କ୍ରୀଡା ଓ ସ୍ୱାସ୍ଥ୍ୟକର ଜୀବନଶୈଳୀ ପ୍ରଚାର ପାଇଁ ଜାରି ରହିଥିବା ପ୍ରତିବଦ୍ଧତାକୁ ପ୍ରତିଫଳିତ କରେ। ଏହି ଅବସରରେ ଶ୍ରୀ ମଜହର ବେଗ କହିଥିଲେ, “କ୍ରୀଡା ଯୁବମାନଙ୍କ ମଧ୍ୟରେ ଶିଂଶ୍ଳଧାରା ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ନିବାହ କରନ୍ତି, ଦଳୀୟ ମନୋଭାବ ଏବଂ ଏକତା ଗଢ଼ି ତୋଳିବାରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଏ। ଗ୍ରାମାଞ୍ଚଳର ଯୁବ ପ୍ରତିଭାଙ୍କୁ ପ୍ରୋତ୍ସାହନ ଦେଇ ସମୁଦାୟକୁ ଏକତ୍ର କରୁଥିବା ଏଭଳି ମୂଲ୍ୟବୋଧପୂର୍ଣ୍ଣ କାର୍ଯ୍ୟକ୍ରମକୁ ସମର୍ଥନ କରିବାରେ ଆଦିତ୍ୟ ଆଲୁମିନା ରିଫାଇନେରୀ ଗର୍ବିତ। ସାମଗ୍ରିକ ସମୁଦାୟ ବିକାଶ ପାଇଁ ଆମର ପ୍ରତିବଦ୍ଧତା ଆଗାମୀ ଦିନରେ ମଧ୍ୟ ଅଟୁଟ ରହିବ।”