ଅସ୍ମିତ୍ କଲେଜର ୨୫ତମ ବାର୍ଷିକ ଉତ୍ସବ“ଆର୍ୟା ଫେଷ୍ଟ –୨୦୨୬” ପାଳିତ

ଭୁବନେଶ୍ୱର, 14/03/2026, ଉତ୍କଳ voice news - utkalvoicenews.com(ରାକେଶ ସୂତାର ଙ୍କ ରିପୋର୍ଟ ) : ଭୁବନେଶ୍ୱର ସ୍ଥିତ ଅଗ୍ରଣୀ ଶିକ୍ଷାନୁଷ୍ଠାନ ଅସ୍ମିତ୍ କଲେଜର ୨୫ତମ ବାର୍ଷିକ ଉତ୍ସବ “ଆର୍ୟା ଫେଷ୍ଟ–୨୦୨୬” ବହୁ ଆଡମ୍ବର ସହିତ ପାଳିତ ହୋଇଯାଇଛି। ଏହି କାର୍ଯକ୍ରମ ରେ ପ୍ରଥମେ ସ୍ୱାଗତ ଭାଷଣ ସହିତ ଅତିଥି ପରିଚୟ ପ୍ରଦାନ କରିଥିଲେ ଅନୁଷ୍ଠାନ ର ପ୍ରତିଷ୍ଠାତା ତଥା ନିର୍ଦେଶକ ଡ଼ ମନ୍ମଥ କୁମାର ନାୟକ।କାର୍ଯ୍ୟକ୍ରମର ମୁଖ୍ୟ ବକ୍ତା ଭାବେ ଇଉରୋଲୋଜି ବିଭାଗର ଡାକ୍ତର ଓ ଜଗନ୍ନାଥ ଧର୍ମ ପ୍ରଚାରକ ଡ଼. ଆଶୁତୋଷ ପ୍ରସାଦ ମିଶ୍ର ଉପସ୍ଥିତ ରହି ମୂଲ୍ୟବାନ ମତାମତ ପ୍ରକାଶ କରିଥିଲେ। ମୁଖ୍ୟ ଅତିଥି ଭାବେ ଶ୍ରୀ ଜଗନ୍ନାଥ ଲୀଳା କ୍ଷେତ୍ର ଟ୍ରଷ୍ଟର , ସଭାପତି ଡ଼. ସୁଶାନ୍ତ କୁମାର ସାହୁ ଯୋଗଦେଇଥିଲେ। ଏହି କାର୍ଯ୍ୟକ୍ରମର ମୁଖ୍ୟ ବିଷୟବସ୍ତୁ ଥିଲା “ଆଧୁନିକ ପରିଚାଳନାରେ ଶ୍ରୀ ଜଗନ୍ନାଥ ଙ୍କ ଆଭିମୁଖ୍ୟ ଏବଂ ଚେତନା”। ଅତିଥିମାନେ ତାଙ୍କର ଉଦ୍ବୋଧନରେ ଶ୍ରୀଜଗନ୍ନାଥଙ୍କ ଚେତନା, ମାନବୀୟ ମୂଲ୍ୟବୋଧ ଓ ସମାନତାର ଆଦର୍ଶ କିପରି ଆଧୁନିକ ପରିଚାଳନା ଓ ସମାଜ ଗଠନରେ ପ୍ରେରଣା ଦେଇପାରେ ସେଥିପାଇଁ ଆଲୋକପାତ କରିଥିଲେ। ଅନୁଷ୍ଠାନର ପ୍ରିନ୍ସିପାଲ ଡ଼. ଶ୍ରିତା ଭୋଳ, ପ୍ରଶାସକ ଅଧିକାରୀ ସଞ୍ଜୟ ମିଶ୍ର, ଛାତ୍ର ମଙ୍ଗଳ ଅଧିକାରୀ ଶୁଭେନ୍ଦୁ କୁମାର ଦାସ, ବିଭାଗ ମୁଖ୍ୟ ରଶ୍ମିତା ପାଣିଗ୍ରାହୀ ସହିତ ଅନ୍ୟାନ୍ୟ ଅଧିକାରୀ, ଅଧ୍ୟାପକ ଓ ଅଧ୍ୟାପିକା ସଦସ୍ୟ ମାନେ ଏହି ଅବସରରେ ଉପସ୍ଥିତ ଥିଲେ। ଏହି ଅବସରରେ ଆୟୋଜିତ କାର୍ଯ୍ୟକ୍ରମର ମଞ୍ଚ ପରିଚାଳନା ଅଧ୍ୟାପକ ବବୁଲ ମଲ୍ଲିକ କରିଥିଲେ। ଏହି ଉତ୍ସବ ଅବସରରେ ବିଭିନ୍ନ ପ୍ରକାର ସାଂସ୍କୃତିକ ଓ ଶିକ୍ଷାମୂଳକ ପ୍ରତିଯୋଗିତା କାର୍ଯ୍ୟକ୍ରମ ଆୟୋଜନ କରାଯାଇ କୃତି ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। “ଷ୍ଟୁଡେଣ୍ଟ ଅଫ ଦ ୟର” ପୁରସ୍କାର ସତ୍ୟ ରଞ୍ଜନ ସାହୁ ଏବଂ ସ୍ନେହା ରାଣୀ ସାହୁଙ୍କୁ ପ୍ରଦାନ କରାଯାଇଥିଲା । ଶେଷରେ ପ୍ରଶାସକ ଅଧିକାରୀ ସଞ୍ଜୟ ମିଶ୍ର ଧନ୍ୟବାଦ ଓ କୃତଜ୍ଞତା ଜ୍ଞାପନ କରିଥିଲେ।