ଏନସିସି କ୍ୟାଡଟଙ୍କୁ ବିଦାୟ ସମ୍ବର୍ଦ୍ଧନା

ବୁଗୁଡ଼ା, 17/04/2026, ଉତ୍କଳ voice news - utkalvoicenews.com(ସୋରେନ କୁମାର ପ୍ରଧାନ ଙ୍କ ରିପୋର୍ଟ): ଏନସିସି, ଆର୍ମି ୱିଙ୍ଗ, ପିପୁଲ୍ସ କଲେଜ ବୁଗୁଡ଼ା ଗଞ୍ଜାମ ଦ୍ବାରା ୨୦୨୩-୨୬ ବ୍ୟାଚ୍ ଏନସିସି କ୍ୟାଡଟଙ୍କ ପାଇଁ ଏକ ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏନସିସି ଅଧିକାରୀ ଲେଫନାଣ୍ଡ ଅଜୟ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ କଲେଜର ଭାଇସପ୍ରିନ୍ସପାଲ ହରିକୃଷ୍ଣ ନାୟକ ମୁଖ୍ୟ ଅତିଥି ଭାବେ ଏବଂ କ୍ରୀଡା ଶିକ୍ଷକ କ୍ରିଷ୍ଣା ରାଓ ପାତ୍ର, ଏନଏସଏସ ସଂଯୋଜକ ଅଧ୍ୟାପକ ରବିନ୍ଦ୍ର ନାଥ ପୋଲାଇ ନିମନ୍ତ୍ରିତ ଅତିଥି ଭାବେ ଯୋଗଦେଇଥିଲେ।ଏନସିସିର ସିଟିଓ ଶଙ୍କର ପରିଡା ମଧ୍ୟ ଉପସ୍ଥିତ ଥିଲେ। ଜେୟୁଓ ସ୍ବାଗତି ରାଉତ ଅତିଥି ପରିଚୟ ପ୍ରଦାନ କରିଥିଲେ। ଏସୟୁଓ ବରୁଣ ବିଶୋଇ ଦିବସର ଗୁରୁତ୍ବ ବିଷୟରେ କହିଥିଲେ। ସମସ୍ତ ପ୍ରଥମ ଏବଂ ଦ୍ବିତୀୟ ବର୍ଷର କ୍ୟାଡେଟମାନେ ବରିଷ୍ଠ କ୍ୟାଡେଟଙ୍କ ସହ ସେମାନଙ୍କର ସ୍ମୃତି ବାଣ୍ଟିଥିଲେ। ତା'ପରେ ତୃତୀୟ ବର୍ଷର କ୍ୟାଡେଟମାନେ ସେମାନଙ୍କ ତିନି ବର୍ଷର ଯାତ୍ରା ପ୍ରକାଶ କରିଥିଲେ । ଏଥିସହ ଜୁନିଅର କ୍ୟାଡେଟମାନଙ୍କୁ ଭଲ କାମ କରିବାକୁ ଏବଂ ଏନସିସି ବିଭାଗକୁ ଗର୍ବିତ କରିବାକୁ ପରାମର୍ଶ ଦେଇଥିଲେ। ସମସ୍ତ ତୃତୀୟ ବର୍ଷର ରେଙ୍କଧାରୀଙ୍କୁ ଏନସିସିର ବିଭିନ୍ନ କାର୍ଯ୍ୟକଳାପର ନେତୃତ୍ୱ ନେବା ପ୍ରତି ସେମାନଙ୍କର ଉତ୍ସର୍ଗୀକୃତତା ପାଇଁ ସମ୍ମାନିତ କରାଯାଇଥିଲା । ତା'ପରେ କିଛି ଦ୍ବିତୀୟ ଏବଂ ପ୍ରଥମ ବର୍ଷର କ୍ୟାଡେଟଙ୍କୁ ୨୦୨୬-୨୭ ମସିହାର ଆଗାମୀ ଅଧିବେଶନ ପାଇଁ ନୂତନ ରେଙ୍କ ପ୍ରଦାନ କରାଯାଇଥିଲା। ଶେଷରେ ସିପିଏଲ ଉଷାଶ୍ରୀ ଖାଡଙ୍ଗା ଧନ୍ୟବାଦ ଅର୍ପଣ କରିଥିଲେ ।