ମୁଣ୍ଡରେ ବନ୍ଧୁକ ଲଗାଇ ଚାପଡ ରେ ହାଣିଲେ ପାଞ୍ଚ ଦୃର୍ବୁତ୍ତ।

ଏରସମା, 24/04/2026, ଉତ୍କଳ voice news - utkalvoicenews.com(ଜିଲ୍ଲା ପ୍ରତିନିଧି ନୃସିଂହ ମଲ୍ଲିକ ଙ୍କ ରିପୋର୍ଟ) ଜଗତସିଂହପୁର ଜିଲ୍ଲା ଏରସମା ବ୍ଲକ ଯଳଉ ଗ୍ରାମର ସରୋଜ କୁମାର ମହାନ୍ତି ଙ୍କୁ ମରଣାତ୍ମକ ଆକ୍ରମଣ ମୁଣ୍ଡରେ ବନ୍ଧୁକ ଲଗାଇ ଚାପଡ ରେ ହାଣିଲେ ପାଞ୍ଚ ଦୃର୍ବୁତ୍ତ।ତଦନ୍ତରୁ ଜଣାପଡିଛି ଯେ ୨୩.୦୪.୨୬ ରିଖ ରାତିରେ ଆହତ ସରୋଜ ମହାନ୍ତି (ସୂଚନାଦାତାଙ୍କ ପୁଅ) ମଲ୍ଲୀପୁର ଗ୍ରାମରେ ଥିବା ଟାଟା ଇଲେକ୍ଟ୍ରିକ୍ ଟାୱାରରେ ନିଜ ମେସିନ୍ ସାହାଯ୍ୟରେ କାମର ତଦାରଖ କରୁଥିଲେ।ଏହି ସମୟରେ ପୂର୍ବ ଶତ୍ରୁତା କାରଣରୁ, ଜଗତସିଂହପୁର ଜିଲ୍ଲା ଏରସମା ଥାନା ଅନ୍ତର୍ଗତ ଦାସୀପୁର ଗ୍ରାମର ଦୁଇ ଅଭିଯୁକ୍ତ ପାନୁ ନାୟକ (୪୫) ଏବଂ ଗୁଡୁ ଓରଫ ଶ୍ରୀତମ ନାୟକ (୧୯) ମାରାତ୍ମକ ଅସ୍ତ୍ରଶସ୍ତ୍ର ଧରି ଏକ ବୁଲେଟ୍ ମୋଟରସାଇକେଲରେ ସେଠାରେ ପହଞ୍ଚିଥିଲେ। ସେମାନେ ସରୋଜଙ୍କୁ ଜୀବନରୁ ମାରିଦେବା ଉଦ୍ଦେଶ୍ୟରେ ତାଙ୍କ ମୁଣ୍ଡକୁ ଲକ୍ଷ୍ୟ କରି ନିର୍ମମ ଭାବେ ଆକ୍ରମଣ କରିଥିଲେ, ଯାହା ଫଳରେ ତାଙ୍କ ମୁଣ୍ଡରେ ଗଭୀର କ୍ଷତ ହୋଇ ପ୍ରବଳ ରକ୍ତସ୍ରାବ ହୋଇଥିଲା ଏବଂ ସେ ତଳେ ପଡିଯାଇଥିଲେ।ଏହାପରେ ଅଭିଯୁକ୍ତମାନେ ତାଙ୍କୁ ଗୋଇଠା ମାରି ଆକ୍ରମଣ କରିଥିଲେ। ପାଟିତୁଣ୍ଡ ଶୁଣି ରାତ୍ରିକାଳୀନ କ୍ରିକେଟ୍ ମ୍ୟାଚ୍ ଦେଖୁଥିବା ସ୍ଥାନୀୟ ଲୋକମାନେ ଘଟଣାସ୍ଥଳକୁ ଦୌଡି ଆସିବାରୁ, ଅଭିଯୁକ୍ତମାନେ ନିଜର ବୁଲେଟ୍ ମୋଟରସାଇକେଲ୍ ସେହିଠାରେ ଛାଡି ଫେରାର୍ ହୋଇଯାଇଥିଲେ। ପରେ ଆହତ ସରୋଜ ମହାନ୍ତିଙ୍କୁ ଚିକିତ୍ସା ପାଇଁ ଏରସମା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର (CHC) କୁ ନିଆଯାଇଥିଲା, କିନ୍ତୁ ଅବସ୍ଥା ଗୁରୁତର ଥିବାରୁ ସେଠାକାର ଡାକ୍ତର ତାଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟ (DHH) କୁ ସ୍ଥାନାନ୍ତର କରିଥିଲେ।ବର୍ତ୍ତମାନ ସେ ସେଠାରେ ଚିକିତ୍ସାଧୀନ ଅଛନ୍ତି।