ମହାବୀର ହନୁମାନଙ୍କ ବିଗ୍ରହ ପ୍ରତିଷ୍ଠା ଉତ୍ସବ

ଏରସମା, 24/04/2026, ଉତ୍କଳ voice news - utkalvoicenews.com(ଜିଲ୍ଲା ପ୍ରତିନିଧି ନୃସିଂହ ମଲ୍ଲିକ ଙ୍କ ରିପୋର୍ଟ) ଜଗତସିଂହପୁର ଜିଲ୍ଲା ଏରସମା ବ୍ଲକ୍ ବଳେଇପୁର ପଞ୍ଚାୟତ ଅନ୍ତର୍ଗତ ତନ୍ତିଆ ଗ୍ରାମରେ ୨୪ ଫୁଟ ଉଚ୍ଚତା ବିଶିଷ୍ଟ ମହାବୀର ହନୁମାନଙ୍କ ବିଗ୍ରହ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଛି।ବୀର୍ ବଜରଙ୍ଗୀ ୱେଲଫେୟାର କମିଟି ଓ ତନ୍ତିଆ ଗ୍ରାମବାସୀଙ୍କ ସହଯୋଗରେ ତିନିଦିନ ଧରି ଆୟୋଜିତ ଉତ୍ସବର ବିଭିନ୍ନ ଦିବସରେ ଅଙ୍କୁରା ରୋପଣ, ମହାନଦୀ ପଙ୍କପାଳ ଘାଟରୁ କଳସ ଶୋଭାଯାତ୍ରା,ସୂର୍ଯ୍ୟପୂଜା,ମହା ପ୍ରଭୁଙ୍କ ନଗର ପରିକ୍ରମା,ମହାସ୍ନାନ,ବିଗ୍ରହ ପ୍ରତିଷ୍ଠା,ହରି ସଙ୍କିର୍ତ୍ତନ,ଗୀତାଯଜ୍ଞ, ପୂର୍ଣ୍ଣାହୁତି ଓ ପ୍ରତ୍ୟହ ପ୍ରଶାଦ ସେବନ କରାଯାଇଛି।ଏହି ଉପଲକ୍ଷେ ବିଭିନ୍ନ ସନ୍ଧ୍ୟାରେ ପୂରୀ ସ୍ଥିତ ସ୍ଵାମୀ ନାରାୟଣ ମନ୍ଦିରର ସନ୍ଥ ଭକ୍ତ ବତ୍ସଳ ସ୍ଵାମୀ ମହାରାଜ,ଶାକାର ସ୍ଵାମୀ ମହାରାଜ, ଆର୍ ଏସ୍ ଏସ୍ କାର୍ଯ୍ୟକର୍ତ୍ତା ପିତାମ୍ବର ଜେନା ଓ ନୂଆଗାଁ ସ୍ଥିତ ପ୍ରସିଦ୍ଧ ମହାବୀର ଆଶ୍ରମର ବାବା ରାମକୃଷ୍ଣ ଦାସ ମହାରାଜ ରାମାୟଣ କଥାବସ୍ତୁ ଆଧାରିତ ପ୍ରବଚନ ପରିବେଷଣ କରିଥିଲେ।ନରେଶ ଚନ୍ଦ୍ର ଦଳାଇ ଓ ଶଶ୍ମିତା ରାଉତ କର୍ତ୍ତା ଭାବରେ କାର୍ଯ୍ୟ ସମ୍ପାଦନ ସହିତ ପଣ୍ଡିତ ଶକ୍ତି ପ୍ରସାଦ ମିଶ୍ର,ଶୁଭ୍ର କାନ୍ତ ମିଶ୍ର,ସନାତନ ମିଶ୍ର ଓ ଚୂନା ନନାଙ୍କ ପୈାରହିତ୍ୟରେ ଯଜ୍ଞ ପୂର୍ଣ୍ଣାହୁତି କରାଯାଇଛି।ପ୍ରତ୍ୟହ ସନ୍ଧ୍ୟାରେ ବିଭିନ୍ନ ଅଞ୍ଚଳରୁ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ‌‌ହୋଇଥିଲା। ଦିନେଶ ସ୍ବାଇଁ,ଉମେଶ ଖଟୁଆ,ପବିତ୍ର ସ୍ଵାଇଁ,ଶଚ୍ଚିତ୍ର ବେହେରା,ଚିନ୍ମୟ ଖଟୁଆ, ସର୍ବେଶ୍ଵର ସ୍ଵାଇଁ,ନରେଶ ପଟ୍ଟନାୟକ,ରାକେଶ ସ୍ଵାଇଁ,ଅବୁଲା ଖଟୁଆ,ସତ୍ୟବ୍ରତ ପାଇଟାଳ ଓ ସମସ୍ତ ଗ୍ରାମବାସୀ ଉତ୍ସବ ପରିଚାଳନା କରିଥିଲେ