ସମାଜସେବୀ ସ୍ୱର୍ଗତ ସର୍ବେଶ୍ଵର ମାଝିଙ୍କ ଶୋକସଭାରେ ଯୋଗଦେଲେ ପୂର୍ବତନ ଓ ବର୍ତ୍ତମାନର ବିଧାୟକ

ଜଂକିଆ, 21/07/2026, ଉତ୍କଳ voice news - utkalvoicenews.comତା - ୨୦/୭ : ଖୋର୍ଦ୍ଧା ଜିଲ୍ଲା ହଜ ଗ୍ରାମ ପଞ୍ଚାୟତ ଅଞ୍ଚଳରେ ଶୋକର ଛାୟା। ସ୍ଥାନୀୟ ଅଞ୍ଚଳର ଜଣେ ଜଣାଶୁଣା, ସରଳ, ଅମାୟିକ ତଥା ପରଉପକାରୀ ମଣିଷ ଭାବେ ପରିଚିତ ସମାଜସେବୀ ସର୍ବେଶ୍ଵର ମାଝିଙ୍କର ଅକାଳ ବିୟୋଗ ଘଟିଛି। ଗତ କିଛି ଦିନ ହେବ ସେ ଅସୁସ୍ଥ ଥିବା ବେଳେ ମେଡିକାଲରେ ଚିକିତ୍ସାଧୀନ ଅବସ୍ଥାରେ ଗତ ୭.୭.୨୦୨୬ ରିଖରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ଏକ ନିର୍ଦ୍ଦିଷ୍ଟ ବୟସ ହୋଇଥିବା ବେଳେ ତାଙ୍କର ଏହି ଆକସ୍ମିକ ମୃତ୍ୟୁ ଖବର ପ୍ରଚାରିତ ହେବା ପରେ ସମଗ୍ର ହଜ ପଞ୍ଚାୟତରେ ଗଭୀର ଦୁଃଖର ପରିବେଶ ସୃଷ୍ଟି ହୋଇଛି।ସ୍ବର୍ଗତ ସର୍ବେଶ୍ଵର ମାଝି ଜଣେ ଅତ୍ୟନ୍ତ ପରୋପକାରୀ ବ୍ୟକ୍ତି ଥିଲେ। ଅଞ୍ଚଳର ମଠ, ମନ୍ଦିର ନିର୍ମାଣ କାର୍ଯ୍ୟ ହେଉ ବା ଅଭାବୀ ଓ ଗରିବ ଲୋକଙ୍କ ସେବା କରିବା—ଏହା ହିଁ ତାଙ୍କ ଜୀବନର ମୂଳ ଲକ୍ଷ୍ୟ ଥିଲା। ସେ ସଦାସର୍ବଦା ନିଜ ସ୍ୱାର୍ଥକୁ ପଛରେ ପକାଇ ଜନସେବାରେ ବ୍ରତୀ ରହୁଥିଲେ, ଯାହା ପାଇଁ ଆଜି ସ୍ଥାନୀୟ ଜନସାଧାରଣ ଜଣେ ପ୍ରକୃତ ଅଭିଭାବକଙ୍କୁ ହରାଇଥିବା ପ୍ରକାଶ କରିଛନ୍ତି।ତାଙ୍କ ଅମର ଆତ୍ମାର ସଦ୍‌ଗତି ନିମନ୍ତେ ଆୟୋଜିତ ଏକ ଶୋକସଭାରେ ଅଞ୍ଚଳର ବହୁ ବିଶିଷ୍ଟ ବ୍ୟକ୍ତି ବିଶେଷ ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହି ଶୋକସଭାରେ ପୂର୍ବତନ ବିଧାୟକ ସୁରେଶ କୁମାର ରାଉତରାୟ (ସୁର ଭାଇ) ଏବଂ ବିଧାୟକ ପ୍ରଦୀପ କୁମାର ସାହୁ ପ୍ରମୁଖ ଯୋଗଦେଇ ସ୍ୱର୍ଗତ ମାଝିଙ୍କ ଜନହିତକର କାର୍ଯ୍ୟାବଳୀର ସ୍ମୃତିଚାରଣ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଥିଲେ। ଏଥିସହିତ ଖଣ୍ଡାୟତ କ୍ଷେତ୍ରୀୟ ସମ୍ମିଳନୀର 'କଳଙ୍ଗି ସେନା'ର ସଦସ୍ୟମାନେ ମଧ୍ୟ ଶୋକସଭାରେ ଉପସ୍ଥିତ ରହି ଶ୍ରଦ୍ଧା ସୁମନ ଅର୍ପଣ କରିଥିଲେ।ଏହି ସମ୍ପୂର୍ଣ୍ଣ ସ୍ମୃତି ଚାରଣ ଓ ଶୋକସଭା କାର୍ଯ୍ୟକ୍ରମକୁ ବିଶିଷ୍ଟ ସଂଗଠକ ଜମ୍ବେଶ୍ୱର ମଙ୍ଗରାଜ ସୁଚାରୁରୂପେ ପରିଚାଳନା କରିଥିଲେ। ସ୍ୱର୍ଗତ ସର୍ବେଶ୍ଵର ମାଝିଙ୍କ ବିୟୋଗ ସ୍ଥାନୀୟ ଅଞ୍ଚଳ ପାଇଁ ଏକ ଅପୂରଣୀୟ କ୍ଷତି ବୋଲି ସଭାରେ ଉପସ୍ଥିତ ସର୍ବସାଧାରଣ ମତବ୍ୟକ୍ତ କରିଛନ୍ତି।