ନିଶାମୁକ୍ତ ଓଡ଼ିଶା ଅଭିଯାନ: ଛାତ୍ରଛାତ୍ରୀଙ୍କୁ ସଚେତନ କଲା ଜଗତସିଂହପୁର ପୋଲିସ

ଜଗତସିଂହପୁର, 01/09/2026, ଉତ୍କଳ voice news - utkalvoicenews.com( ଜିଲ୍ଲା ପ୍ରତିନିଧି ନୃସିଂହ ମଲ୍ଲିକ ଙ୍କ ରିପୋର୍ଟ ) : ୦୧/୦୯/୨୦୨୬ : ନିଶାମୁକ୍ତ ଓଡ଼ିଶା ଗଠନ ଲକ୍ଷ୍ୟରେ ଜଗତସିଂହପୁର ପୋଲିସ ପକ୍ଷରୁ ବିଦ୍ୟାଳୟସ୍ତରରେ ସଚେତନତା କାର୍ଯ୍ୟକ୍ରମ ଜାରି ରହିଛି। କେନ୍ଦ୍ରାଞ୍ଚଳ ଆଇଜିପି ଡ଼. ସତ୍ୟଜିତ ନାୟକ, ଜଗତସିଂହପୁର ଏସ୍‌ପି ଶ୍ରୀ ଅଙ୍କିତ କୁମାର ବର୍ମା ଏବଂ ଜଗତସିଂହପୁର ଜିଲ୍ଲାପାଳ ତଥା ଡିଏମ୍‌ ଶ୍ରୀ ଜେ. ସୋନାଲଙ୍କ ମାର୍ଗଦର୍ଶନରେ ଏହି ଅଭିଯାନ ଚାଲିଛି। ଏରସମା ଥାନା ଅଧୀନ ବିଭିନ୍ନ ବିଦ୍ୟାଳୟରେ ପୋଲିସ ପକ୍ଷରୁ ଛାତ୍ରଛାତ୍ରୀଙ୍କୁ ନିଶାଦ୍ରବ୍ୟ ଓ ମାଦକ ସେବନର କୁପ୍ରଭାବ ସମ୍ପର୍କରେ ସଚେତନ କରାଯାଉଛି। ବିନାପାଣି ସରକାରୀ ଉଚ୍ଚ ବିଦ୍ୟାଳୟ, ଓଲରା; ପଦ୍ମପୁର ଆଶ୍ରମ ବିଦ୍ୟାଳୟ; ପଦ୍ମପୁର ମଠସାହି ଆଶ୍ରମ ବିଦ୍ୟାଳୟ ଏବଂ ଗୋଡ଼ା ଉଚ୍ଚ ବିଦ୍ୟାଳୟରେ ସଚେତନତା ଅଧିବେଶନ ଆୟୋଜନ କରାଯାଇଛି। ଏହି ଅବସରରେ ଛାତ୍ରଛାତ୍ରୀଙ୍କୁ ନିଶାଦ୍ରବ୍ୟ ସେବନ ଦ୍ୱାରା ହେଉଥିବା ଶାରୀରିକ, ମାନସିକ ଓ ସାମାଜିକ କ୍ଷତି ସମ୍ପର୍କରେ ବୁଝାଇବା ସହ ସୁସ୍ଥ ଓ ଦାୟିତ୍ୱବାନ ଜୀବନଶୈଳୀ ଆପଣାଇବାକୁ ପରାମର୍ଶ ଦିଆଯାଇଛି। ଯୁବପିଢ଼ିକୁ ସଶକ୍ତ କରିବା, ସମାଜକୁ ସୁଦୃଢ଼ କରିବା ଏବଂ ଏକ ସୁସ୍ଥ, ସୁରକ୍ଷିତ ଓ ନିଶାମୁକ୍ତ ଓଡ଼ିଶା ଗଠନ ପାଇଁ ସମସ୍ତେ ଏକାଠି ହେବାକୁ ପୋଲିସ ପକ୍ଷରୁ ଆହ୍ୱାନ ଦିଆଯାଇଛି। “ନିଶାକୁ ନା କୁହନ୍ତୁ, ଜୀବନକୁ ବାଛନ୍ତୁ।”