ଜିଲ୍ଲା ଯୁବ କଂଗ୍ରେସର ସାମ୍ବାଦିକ ସମ୍ମିଳନୀ

ଜଗତସିଂହପୁର, 30/09/2026, ଉତ୍କଳ voice news - utkalvoicenews.com( ଜଗତସିଂହପୁର ରୁ ରୀତା ସାହୁ ଙ୍କ ରିପୋର୍ଟ ) : ଜଗତସିଂହପୁର ଜିଲ୍ଲା ଯୁବ କଂଗ୍ରେସ ତରଫରୁ ସଭାପତି କୁମାର ପ୍ରିତମ ପରିଜା ଙ୍କ ନେତୃତ୍ୱରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଅଛି। ଭୋଟ ଚୋରି କରି ଶାସନ ଗାଦିରେ ବସିବା ତଥା ଲକ୍ଷ ଲକ୍ଷ ଯୁବକ ଯୁବତୀଙ୍କୁ ଶୋଷଣ କରି ନିଯୁକ୍ତି ନ ଦେଇ ବେକାରୀ ସଜାଇବାରେ କେନ୍ଦ୍ର ସରକାର ତଥା ରାଜ୍ୟ ସରକାରଙ୍କ ହିନ ଚକ୍ରାନ୍ତ କୁ ଲୋକଲୋଚନକୁ ଆଣିବା ପାଇଁ ଏହି ସମ୍ମିଳନୀ ର ଆୟୋଜନ କରାଯାଇ ଥିଲା। କୋଟି କୋଟି ଜନତାଙ୍କ ସାମ୍ବିଧାନିକ ଅଧିକାରକୁ କ୍ଷୁର୍ଣ୍ଣ କରି ଭୋଟ ଚୋରିରେ ମୁଖ୍ୟ ଖଳନାୟକ ସାଜିଥିବା ଜ୍ଞାନେସ କୁମାର ଙ୍କୁ ତୁରନ୍ତ ଗିରଫ କରି ତିହାର ଜେଲ୍ ନ ପଠାଗଲେ ଯୁବ କଂଗ୍ରେସ ସମଗ୍ର ଭାରତ ବର୍ଷରେ ରଣହୁଙ୍କାର ଦେବ ବୋଲି ଚେତାବନୀ ଦିଆଯାଇ ଥିଲା। ଏହି ସାମ୍ବାଦିକ ସମ୍ମିଳନୀରେ ଜିଲ୍ଲା ପ୍ରଭାରୀ ତଥା ପ୍ରଦେଶ ଯୁବ କଂଗ୍ରେସ ର ସାଧାରଣ ସମ୍ପାଦକ ଶିବ ଅଗ୍ରୱାଲ, ଯୁବ ନେତା ପ୍ରତ୍ୟୁଷ ନାୟକ,ନିହାର ରଞ୍ଜନ ଦାସ, ବିଶ୍ୱଜିତ୍ ସେଠୀ, ସୁଶୀଲ କୁମାର ଦାଶ,ପ୍ରଭାକର ନାୟକ ପ୍ରମୁଖ ଉପସ୍ଥିତ ଥିଲେ।