ଗଣେଶ ଭସାଣିରେ ଉତ୍ସବମୁଖର ଜଗନାଥପୁର

କୁଜଙ୍ଗ / ଜଗନାଥପୁର, 01/10/2026, ଉତ୍କଳ voice news - utkalvoicenews.com( ପାରାଦ୍ଵୀପ,କୁଜଙ୍ଗ ରୁ ରଶ୍ମିରଞ୍ଜନ ଦାସ ଙ୍କ ରିପୋର୍ଟ। ) : ୩୦/୦୯/୨୦୨୬ : ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ଅନ୍ତର୍ଗତ ଜଗନାଥପୁର ଗ୍ରାମର ଶ୍ରୀ ଗୋପୀନାଥଜୀଉ ଗଣେଶ ପୂଜା କମିଟି ପକ୍ଷରୁ ଦୀର୍ଘ ୩୦ ବର୍ଷ ଧରି ଚାଲିଆସୁଥିବା ପରମ୍ପରା ଅନୁଯାୟୀ ଶ୍ରୀଗଣେଶଙ୍କ ଭସାଣି ଉତ୍ସବ ଆୟୋଜିତ ହୋଇଯାଇଛି। ଏହି ଅବସରରେ କମିଟିର ସଦସ୍ୟ ଓ ଭକ୍ତମାନଙ୍କ ଉପସ୍ଥିତିରେ ସୁସଜ୍ଜିତ ଶ୍ରୀଗଣେଶଙ୍କ ପ୍ରତିମାକୁ ନେଇ ଭସାଣି ଶୋଭାଯାତ୍ରା ବାହାରିଥିଲା। ବାଦ୍ୟଯନ୍ତ୍ର, ସଙ୍ଗୀତ ଓ ଭକ୍ତିମୟ ପରିବେଶ ମଧ୍ୟରେ ଶୋଭାଯାତ୍ରା ଆଗକୁ ବଢ଼ିଥିଲା। ଶୋଭାଯାତ୍ରା କୁଜଙ୍ଗ ବଜାର ଅଞ୍ଚଳ ପରିକ୍ରମା କରିବା ସମୟରେ ଭକ୍ତ ଓ ଅଞ୍ଚଳବାସୀଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଥିଲା। ବିଭିନ୍ନ ସ୍ଥାନରେ ଭକ୍ତମାନେ ଶ୍ରୀଗଣେଶଙ୍କ ଦର୍ଶନ କରିବା ସହ ବିଦାୟ ଦେଇଥିଲେ। ସୁସଜ୍ଜିତ ଗଣେଶ ପ୍ରତିମା ଓ ଭସାଣି ଶୋଭାଯାତ୍ରାର ଦୃଶ୍ୟ ଆକର୍ଷଣୀୟ ହୋଇଥିଲା। ଶୋଭାଯାତ୍ରା ପରେ ଧାର୍ମିକ ରୀତିନୀତି ଅନୁଯାୟୀ ଶ୍ରୀଗଣେଶଙ୍କ ବିସର୍ଜନ କାର୍ଯ୍ୟ ସମ୍ପନ୍ନ ହୋଇଥିଲା। ସମଗ୍ର କାର୍ଯ୍ୟକ୍ରମ ଶାନ୍ତି ଓ ଶୃଙ୍ଖଳାର ସହ ସମାପ୍ତ ହୋଇଥିବା ଜଣାପଡ଼ିଛି। କମିଟି ସଭାପତି ଶ୍ରୀ ରିଙ୍କୁ ନନାଙ୍କ ନେତୃତ୍ୱରେ ପିଣ୍ଟୁ, ସୋନିଆ, ଗିଡିମା, ବିଟୁ ଓ କାଳିଆଙ୍କ ସମେତ କମିଟିର ସଦସ୍ୟମାନେ ଭସାଣି ଉତ୍ସବର ଆୟୋଜନ ଓ ପରିଚାଳନାରେ ସହଯୋଗ କରିଥିଲେ। ଦୀର୍ଘ ୩ ଦଶନ୍ଧି ଧରି ଚାଲିଆସୁଥିବା ଏହି ପରମ୍ପରା ଆଗାମୀ ଦିନରେ ମଧ୍ୟ ଜାରି ରହିବ ବୋଲି କମିଟି ପକ୍ଷରୁ କୁହାଯାଇଛି।