ପିପୁଲ୍ସ କଲେଜରେ ନୂତନ ଅଧ୍ଯକ୍ଷଙ୍କ ଦାୟିତ୍ବ ଗ୍ରହଣ

ବୁଗୁଡା, 04/06/2025, ଉତ୍କଳ voice news - utkalvoicenews.com(ସୋରେନ କୁମାର ପ୍ରଧାନ) : ସ୍ଥାନୀୟ ପିପୁଲ୍ସ କଲେଜରେ ନୂତନ ଅଧ୍ଯକ୍ଷ ଭାବେ ପ୍ରଧ୍ଯାପକ ଡ. ପୁରୁଷୋତ୍ତମ ମିଶ୍ର ଦାୟିତ୍ବ ଗ୍ରହଣ କରିଛନ୍ତି । ସେ ପୂର୍ବରୁ ସୋନପୁର ଜିଲ୍ଲାର ଧର୍ମଶାଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ଓଡ଼ିଆ ବିଭାଗୀୟ ପ୍ରାଧ୍ଯାପକ ଭାବେ କାର୍ଯ୍ଯରତ ଥିଲେ। ତେବେ ନୂତନ ଅଧ୍ଯକ୍ଷ କାର୍ଯ୍ୟରେ ଯୋଗଦାନ କରିବା ପରେ କଲେଜର ପ୍ରାକ୍ତନ ଭାରପ୍ରାପ୍ତ ଅଧ୍ଯକ୍ଷ ହରିକୃଷ୍ଣ ନାୟକଙ୍କ ସମେତ ଅଧ୍ୟାପକ ଓ କର୍ମଚାରୀଗଣ ତାଙ୍କୁ ପୁଷ୍ପଗୁଚ୍ଛ ପ୍ରଦାନ ପୂର୍ବକ ସ୍ବାଗତ ଓ ଶୁଭେଚ୍ଛା ଜ୍ଞାପନ କରିଥିଲେ । ସେ ଦାୟିତ୍ବ ଗ୍ରହଣ ପରେ କଲେଜର ଶୈକ୍ଷିକ ସହିତ ଆନୁଷାଙ୍ଗିକ କ୍ଷେତ୍ରର ବିକାଶ ଦିଗରେ ଯଥାସାଧ୍ୟ ଉଦ୍ୟମ କରିବେ ବୋଲି ମତବ୍ୟକ୍ତ କରିଥିଲେ।